შეხვედრაზე განხილული იყო საქართველოსა და უკრაინის სოფლის მეურნეობის სხვადასხვა დარგებში არსებული მდგომარეობა  და ყურადღება გამახვილდა იმ დარგებზე სადაც შესაძლებელია ურთიერთთანამშრომლობა, მათ შორის აღსანიშნავია  მეთევზეობის მიმართულება, სადაც უკრაინული მხარე ცენტრს დახმარებას გაუწევს თანამშრომელთა გადამზადებაში.

უკრაინელი სტუმრები ასევე იმყოფებოდნენ სოფლის მეურნეობის სამეცნიერო-კვლევითი ცენტრის ჯიღაურას ბაზაზე, სადაც დაათვალიერეს ვენახის და ხეხილის ბაღები, გაეცნენ ცენტრში მიმდინარე კვლევებს და სამომავლო გეგმებს.