აღნიშნულთან დაკავშირებით რისკის შეფასების სამეცნიერო - საკონსულტაციო საბჭომ და სსიპ. სოფლის მეურნეობის სამეცნიერო-კვლევითი ცენტრის რისკის შეფასების სამსახურმა მიმდინარე წლის მარტში, სათანადო რეაგირებისათვის დასკვნითა და რეკომენდაციით მიმართეს საქართველოს შრომის ჯანმრთელობისა და  სოციალური დაცვის სამინისტროს. აღნიშნული საკითხი გადაეცა სანიტარულ-ჰიგიენური ნორმატიული ბაზის რევიზიისა და განახლების ჯგუფს რომელსაც ჯანდაცვის მინისტრის მოადგილე ვალერი კვარაცხელია ხელმძღვანელობს.

ამჟამად შედგა რისკის შეფასების სამეცნიერო-საკონსულტაციო საბჭოს სამსახურის მიერ წარდგენილი დოკუმენტის რიგით მეორე განხილვა თემაზე: - "საქართველოს ტერიტორიაზე წარმოებული და იმპორტირებული მცენარეული ცხიმების და მათ ბაზაზე წარმოებულ პროდუქტებში არსებული ინდუსტრიული ტრანს იზომერული ცხიმების ადამიანის ჯანმრთელობაზე მავნე ზემოქმედების გამოვლენის ალბათობისა და სიმძიმის შეფასება".

რისკის შეფასების სამეცნიერო-საკონსულტაციო საბჭოს დასკვნისა და მსოფლიოს ჯანდაცვის ორგანიზაციის ,, საკვების პროდუქტებისა და კვების სფეროში სამოქმედო გეგმის 2015-2020 წ.წ.“ გათვალისწინებით, სანიტარულ-ჰიგიენური ნორმატიული ბაზის რევიზიისა და განახლების ჯგუფმა შეიმუშავა საქართველოში ინდუსტრიული „ტრანსიზომერული ცხიმების რეგულირების პროექტი.

აღნიშნული გეგმის მიხედვით გათვალისწინებულია ბავშვთა ორგანიზებულ დაწესებულებებში ინდუსტრიული ტრანს-ცხიმების შემცველი საკვების აკრძალვა, ხოლო დანარჩენ შემთხვევებში ეტიკეტირებასა და ნორმირებაზე დაქვემდებარება. ამასთან დაკავშირებით სამეცნიერო-საკონსულტაციო საბჭოსა და სსიპ. სოფლის მეურნეობის სამეცნიერო-კვლევითი ცენტრის რისკის შეფასების სამსახურის წარმომადგენლებმა (ზურაბ ცქიტიშვილი, მაია მეტრეველი, ქეთევან დადიანი)  წამოაყენეს წინადადება, ბავშვთა კვების პროდუქტებში საერთოდ აიკრძალოს ინდუსტრიული ტრას-ცხიმები, რასაც მხარი დაუჭირა მომხმარებელთა უფლებების დაცვის არასამთავრობო ორგანიზაციის  თავმჯდომრემ ლია თოდუამ.

აღნიშნული  საკითხის განხილვები გძელდება.