თესლისა და სარგავი მასალების სტანდარტებისა და სერთიფიცირების კვლევის სამსახურის სპეციალისტებმა, უკანასკნელი ათი წლის განმავლობაში პირველად განახორციელეს მეთესლეობის სექტორში მოქმედი ფერმერული მეურნეობების, ხორბლის სათესლე ნაკვეთების საველე ინსპექტირება. აღნიშნული ნაკვეთები წაროდგენილი იყო 655 ჰა-ზე შემდეგ კომპანიებში: შპს „ლომთაგორა“; შპს „მამული“; შპს „კარტლის პროდაკშენი“ და შპს „მარცვლეულის ლოჯისტიკის კომპანია“. ინსპექტირება მიმდინარეობს საერთაშორისოდ აღიარებული OECD-ის მეთესლეობის სქემების გაიდილაინის მიხედვით. შემოწმების შედეგად დაწუნებული იქნა 302ჰა. სათესლე ნაკვეთების ნაწილის პირველი ინსპექტირების შემდეგ მწარმოებლებს მიეცათ მითითებები ჯიშობრივი მარგვლის ჩატარების შესახებ, რის შემდეგაც ხელმეორედ იქნა ჩატარებული ინსპექტირება. შემოწმდა ხორბლის როგორც ქართული ისე უცხოური სელექციური ჯიშები: “ლომთაგორა 126” “ლომთაგორა 143” “ქუალითი"; "ადაჯიო"; "ირიდიუმი"; "ფორბლანკი"; "PR22R58“; “ჰაკანი”; “კაანი” და „კრასნოდარი-99“, აღნიშნული ჯიშები წარმოადგენდა საბაზისო და პირველი თაობის სერთიფიცირებულ სათესლე მასალას.