სიახლეები

კომპანიის „შილდა ესთეითი“ წარმომედგენლებს ვაზის ქართული იშვიათი ჯიშები გააცნეს

კომპანიის „შილდა ესთეითი“ წარმომადგენლები, ფრანგ მეღვინეებთან ერთად ჯიღაურას მრავალწლოვანი კულტურების საკვლევ-სადემონსტრაციო ბაზას ესტუმრნენ, ბაზაზე გაშენებული ვაზის კოლექცია დაათვალიერეს და იშვიათი ქართული ყურძნისგან დაყენებული ღვინოები დააგემოვნეს. მევენახეობისა და მეღვინეობის კვლევის სამსახურის თანამშრომლებმა კომპანიის წარმომადგენლებს ვაზის პერსპექტიული ქართული ჯიშები გააცნეს და თითოეულ ჯიშზე ამომწურავი ინფორმაცია მიაწოდეს.

კომპანია „შილდა ესთეითი“ საქართველოში, ალაზნის ველზე 150 ჰექტარზე ვენახს აშენებს, მომავალში ღვინის ქარხნის მშენებლობას და წელიწადში 2 მილიონამდე ბოთლის გამოშვებას გეგმავს.

აღსანიშნავია, რომ სოფლის მეურნეობის სამეცნიერო-კვევითი ცენტრის მიერ მოძიებული და ჯიღაურას ბაზაზე გაშენებულია ვაზის 437 ქართული და 350 უცხოური ჯიშების საკოლექციო ნარგაობა. აღნიშნულ ბაზაზე ყოველწლიურად, ნაკლებად შესწავლილი 70-მდე ჯიშის ყურძნისგან ღვინის დაყენება და შეფასება ხდება, რათა მომავალში საუკეთესო ჯიშების გავრცელება და მათი საწარმოო მიმართულებაში ჩართვა მოხდეს.