სიახლეები

სან-დიეგოს უნივერსიტეტის წარმომადგენლები ჯიღაურას ბაზას ესტუმრნენ

სან-დიეგოს უნივერსიტეტის წარმომადგენლები სოფლის მეურნეობის სამეცნიერო-კვლევითი ცენტრის ჯიღაურას მრავალწლოვანი კულტურების საცდელ-სადემონსტრაციო ბაზას ესტუმრნენ და ბაზაზე გაშენებული ვაზის კოლექცია დაათვალიერეს. ამერიკელი სტუმრები საქართველოს მეღვინეობა-მევენახეობის პოტენციალს გაეცნენ და ქართული იშვიათი ვაზისგან დაყენებული ღვინოები დააგემოვნეს.

ვიზიტის ფარგლებში სან-დიეგოს უნივერსიტეტის წარმომადგენლები საქართველოს ტექნიკური უნივერსიტეტის აგრარული მეცნიერებებისა და აგროინჟინერინგის ფაკულტეტის დეკანს გიგა ქვარცხავას შეხვდენენ და სამომავლო თანამშრომლობაზე ისაუბრეს. სან-დიეგოს უნივერსიტეტი დაინტერესებულია საქართველოდან მევენახეობა-მეღვინეობის ფაკულტეტის დოქტორანტების ამერიკაში სწავლას შეუწყოს ხელი.