სიახლეები

„იალონის“ ბენეფიციარები ჯიღაურას ბაზას ესტუმრნენ

საგურამოს შეზღუდული შესაძლებლობების მქონე ბავშვთა და პირთა დღის ცენტრის „იალონი“ აღსაზრდელები ჯიღაურას მრავალწლოვანი კულტურების საცდელ-სადემონსტრაციო ბაზას ესტუმრნენ. აღსაზრდელებმა ბაზაზე გაშენებული ხეხილის ბაღები და ვაზის კოლექცია დაათვალიერეს და რთველში მიიღეს მონაწილეობა.

აღსაზრდელების ვიზიტი განათლების განვითარების და დასაქმების ცენტრის ინიციატივით „სოციალური რეაბილიტაციისა და ბავშვზე ზრუნვის 2018 წლის სახელმწიფო პროგრამის“ ფარგლებში განხორციელდა. პროგრამის მიზანი ბავშვების კულტურულ და შემეცნებით ღონისძიებებში ჩართვაა, რაც მნიშვნელოვნად უწყობს ხელს მათ საზოგადოებაში ინტეგრაციას.