სიახლეები

მონპელიეს უნივერსიტეტის პროფესორები საქართველოს მევენახეობა-მეღვინეობას ეცნობიან

სოფლის მეურნეობის სამეცნიერო-კვლევითი ცენტრის ჯიღაურას მრავალწლოვანი კულტურების საცდელ-სადემონსტრაციო ბაზას საფრანგეთის მონპელიე სუპ-აგრო უნივერსიტეტის უმაღლესი სკოლის „ვინიფერა“ მენეჯერი პატრის ლალემანი და სკოლის პროფესორები ესტუმრნენ. სტუმრებმა ჯიღაურას ბაზა დაათვალიერეს, საქართველოს მევენახეობა-მეღვინეობის ისტორიას გაეცნენ და ქართული იშვიათი ვაზის ჯიშებისგან დაყენებული ღვინოები დააგემოვნეს.

ვინიფერას პროფესორები საქართველოში ერასმუს პლიუსის პროგრამის ფარგლებში ჩამოვიდნენ. მათ შეხვედრები ღვინის ეროვნულ სააგენტოში, ღვინის კომპანიებსა და ქარხნებში გამართეს. სტუმრებმა საქართველოს ტექნიკურ უნივერსიტეტში მევენახეოება-მეღვინეობის ფაკულტეტის სტუდენტებისთვის საჯარო ლექცია ჩაატარეს.