სიახლეები

აგრარულ სფეროში საუკეთესო ფუნდამენტურ ნაშრომად სამეცნიერო-კვლევითი ცენტრის მეცნიერების მიერ გამოცემული წიგნი დასახელდა

სოფლის მეურნეობის სამეცნიერო-კვლევითი ცენტრის აგროსატყეო კულტურების კვლევის სამსახურის მეცნიერების მიერ გამოქვეყნებულ წიგნს „აჭარის ტყის იშვიათი მერქნიანი სახეობების ინვენტარიზაცია“, საქართველოს სოფლის მეურნეობის მეცნიერებათა აკადემიის მიერ გამოცხადებულ კონკურსში, აგრარულ სფეროში 2018 წელს საუკეთესო ფუნდამენტური, საგანმანათლებლო და გამოყენებითი ხასიათის ნაშრომისათვის, პრემია გადაეცა.

წიგნი მოიცავს ინფორმაციას აჭარის კოლხურ ტყეებში გავრცელებულ ენდემურ და იშვიათ მერქნიან სახეობებზე, რომელიც საქართველოს მცენარეების წითელ ნუსხაშია შეტანილი. მასში მოცემულია რვა სახეობაზე ჩატარებული სრული ინვენტარიზაციის მასალები, წარმოდგენილია ამ სახეობების გავრცელების ამსახველი რუკები და დეტალური მონაცემები.

წიგნი სამწლიანი საველე სამუშაოების შედეგად მიღებულ მასალებს შეიცავს, რომელიც შოთა რუსთაველის ეროვნული სამეცნიერო ფონდის ფინანსური მხარდაჭერით განხორციელდა. ნაშრომი განკუთვნილია სატყეო დარგის სპეციალისტებისთვის, ბოტანიკოსებისთვის და სტუდენტებისთვის.