.png)
სიახლეები
13.03.2019
კალიფორნიის უნივერსიტეტი საქართველოს ფიტოსანიტარიის რისკების შეფასების კუთხით დახმარებას აღმოუჩენს
კალიფორნიის სახელმწიფო უნივერსიტეტის და აშშ-ს სოფლის მეურნეობის დეპარტამენტის (USDA) წარმომადგენლები სოფლის მეურნეობის სამეცნიერო-კვლევითი ცენტრის დირექტორს, ლევან უჯმაჯურიძეს და ცენტრის სპეციალისტებს შეხვდნენ. შეხვედრაზე მხარეებმა საქართველოში არსებულ ფიტოსანიტარულ გამოწვევებზე, აზიურ ფაროსანასთან ბრძოლასა და სხვა მავნებლების წინააღმდეგ პრევენციულ ღონისძიებებზე გაამახვილეს ყურადღება.
ამერიკული მხარის განცხადებით, მათი ძირითადი მიზანი საქართველოში მცენარეთა დაცვის კუთხით პოლიტიკის გაძლიერება და სპეცილისტების გადამზადებაა. 2019 წლიდან სოფლის მეურნეობის სამეცნიერო-კვლევითი ცენტრი ფიტოსანიტარიის რისკის შეფასებას იწყებს, ამიტომაც ცენტრისთვის მნიშვნელოვანია ამ მიმართულებით დახმარება.
