facebook
youtube
mail

სიახლეები

31.08.2015

თუთის აბრეშუმხვევიას გენოფონდის ჯიშების შენარჩუნება - გაუმჯობესება

 სოფლის მეურნეობის სამეცნიერო-კვლევითი ცენტრის ერთ-ერთ მიზანს  თუთის აბრეშუმხვევიას გენოფონდის ჯიშების შენარჩუნება და გაუმჯობესება წარმოადგენს, რომელიც ამავე დროს  მეაბრეშუმეობის დარგისთვის, როგორც ადგილობრივ, ასევე მსოფლიო ბაზარზე კუთვნილი ადგილის დაბრუნებას ითვალისწინებს. 
    სოფლის მეურნეობის სამეცნიერო-კვლევითი ცენტრის მეცხოველეობის, ­ვეტე­­რინარიისა და საკვებწარმოების კვლევის დეპარტამენტს, აგრარულ უნივერსიტეტთან არსებული თანამშრომლობის მემორანდუმის ფარგლებში გადმოეცა  საქართველოში  არსებული  თუთის აბრეშუმხვევიას გენოფონ­დის 65 ადგილობრივი და უცხოური ჯიში. 
  ქართული აბრეშუმი ყოველთვის გამოირჩეოდა მაღალი ხარისხით.  დღესაც არსებობს  ისეთი ჯიშები, რომელთა ბიოტექნოლოგიური მაჩვენებლები მსოფლიო სტანდარტებთან შედარებით გაცილებით მაღალია. კერძოდ, ისინი ხასიათ­დე­ბიან პარკის ძაფის დიდი  სიგრძითა და სიწმინდით.   ამ თვისებით  განსაკუთრე­ბით  გამოირჩევა მზიურების ჯგუფის ჯიშები, რომელთა ძაფისა­გან  დამზადებულ­მა ქსოვილმა 1998 წელს  მადრიდში ევროპის ხარისხის კომისი­ის მიერ უმაღლესი ჯილდო „პლატინის ვარსკვლავი“ მოიპოვა.  
მიმდინარე წელს, კვლევითი ცენტრის სპეციალისტების მიერ მოხდა აბრეშუმის  ჭიის გამოკვება და დამზადდა  მომდევნო თაობის  65 ჯიშის 1000 ცალზე მეტი ნადები გრენა. 
თუთის აბრეშუმხვევიას აღნიშნული გენოფონდი ერთადერთია საქართველოში და მისი შენარჩუნება უაღრესად მნიშვნე­ლოვანია მეაბრეშუმეობის აღორძინებისა და შემდგომი განვითარების საქმეში.