სიახლეები

მორიგი სამუშაო შეხვედრა FAO-ს ექსპერტებთან

 ქართველ ექსპერტთა ჯგუფსა და გაეროს სურსათისა და სოფლის მეურნეობის ორგანიზაციის (FAO) წარმომადგენლებს შორის მორიგი სამუშაო შეხვედრა გაიმართა. შეხვედრის მიზანს ფერმერთათვის განკუთვნილი სახელმძღვანელოს „კარგი სასოფლო-სამეურნეო პრაქტიკა“ (GAP) განახლება და მასთან დაკავშირებული ტექნიკური საკითხების განხილვა წარმოადგენდა. აღსანიშნავია, რომ „GAP“-ის სახელმძღვანელო საქართველოში მსოფლიო ბანკის დაფინანსებით პირველად 2007 წელს გამოიცა. იგი სასოფლო-სამეურნეო პროდუქციის წარმოების სანიმუშო პრაქტიკის სტანდარტებს აერთიანებს, რომლებიც ფერმერებმა ხილისა და ბოსტნეულის წარმოების დროს აუცილებლად უნდა დაიცვან.