facebook
youtube
mail

სიახლეები

02.10.2015

კვლევითი ცენტრის ბიოპროდუქტების დეგუსტაცია

 უკანასკნელ პერიოდში მსოფლიოში და მათ შორის საქართველოშიც საკმაოდ დიდია ინტერესი ორგანული სოფლის მეურნეობისა და ჯანსაღი პროდუქტის წარმოების მიმართ. ამ მხრივ საქართველოს გააჩნია ბიოაგროწარმოების განვითარების დიდი პროტენციალი და შესაბამისად მიმდინარეობს ბიოაგროწარმოების მეთოდებზე გადასვლის ხელშეწყობის პროგრამების დანერგვა. 
    სოფლის მეურნეობის სამეცნიერო-კვლევითი ცენტრის  წილკნის ექსპერიმენტალურ ბაზაზე მოეწყო მიმდინარე სავეგეტაციო პერიოდში ბიომეთოდებით მოყვანილი სამარცვლე-პარკოსანი, ტექნიკური და ბოსტნეული კულტურების მოსავლისაგან აღებული პროდუქციის ნიმუშების დეგუსტაცია.  
დეგუსტაციაზე წარმოდგენილი იყო შემდეგი კულტურებისგან დამზადებული კერძები: წითელი და თეთრი დოლის პური, უფხო 1 (ბეზოსტაია) პური, სელის მარცვლისგან ცივად გამოხდილი ზეთი, ლობიო (შულავერა), ცულისპირას შეჭამანდი, მუხუდოს შეჭამანდი, ქერის მარცვლის ყავა, თეთრი დოლის ხორბლის კორკოტი, პომიდორი (ჭოპორტულა წითელი და ვარდისფერი, ხარისგულა), ჭოპორტულას პომიდვრის აჯიკა და საწებელა, აჯამეთის თეთრი სიმინდის მარცვლის ფქვილისგან დამზაადებული მჭადი და ღომი.  
ღონისძიებას ესწრებოდნენ სამეცნიერო-კვლევითი ცენტრის დირექტორი ბატონი ლევან უჯმაჯურიძე, დირექტორის მოადგილე, ბატონი ავთანდილ კორახაშვილი, ცენტრის სხვა თანამშრომლები.  
ბიოკულტურებისგან დამზადებული კერძების დეგუსტაციამ დიდი მოწონება დაიმსახურა დამსწრე საზოგადოებაში. 
  სოფლის მეურნეობის სამეცნიერო-კვლევითი ცენტრის ბიოაგროწარმოების სამსახურის მიზანს წარომადგენს ბიოაგრომრავალფეროვნების აღდგენა-შენარჩუნება, ბიომეურნეობის მოდელების შექმნა საცდელ-სადემონსტრაციო ნაკვეთებზე, ახალი ბიოტექნოლოგიების ათვისება/დანერგვა და ბიოპროდუქციის ბაზრის განვითარება  საქართველოში.