კონფერენცია სახელწოდებით „აგრარული მეცნიერებისა და განათლების ინოვაციური განვითარება: მსოფლიო პრაქტიკა და თანამედროვე პრიორიტეტები“ აზერბაიჯანის აგრარული უნივერსიტეტის მიერ იყო ორგანიზებული და მასში სხვადასხვა ქვეყნების (საქართველო, რუსეთი, თურქეთი, უკრაინა, საფრანგეთი და სხვ.) წამყვანი მეცნიერები მონაწილეობდნენ.

აღნიშნულ კონფერენციაზე, ვეტერინარიისა და ზოოტექნიკის საკითხების განხილვის ნაწილში, კვლევითი ცენტრის მეცნიერ-თანამშრომელმა წარმოადგინა პრეზენტაცია, რომელიც ქართულ ფუტკარს, დარგში არსებულ პრობლემებსა და პერსპექტივებს ეხებოდა. აღნიშნულმა საკითხმა დიდი დაინტერესება გამოიწვია მსმენელებში, ადგილობრივმა და უცხოელმა მეცნიერებმა სამომავლო თანამშრომლობის სურვილი გამოთქვეს და თანამშრომლობის ფორმატზეც შეთანხმდნენ. 

სამეცნიერო-კვლევითი ცენტრის მეცნიერ-თანამშრომლის ნამუშევარი შრომათა კრებულში გამოქვეყნდა, რომელიც აზერბაიჯანში საერთაშორისო კონფერენციის ფარგლებში დაიბეჭდა და გავრცელდა.