facebook
youtube
mail

სიახლეები

19.11.2015

AGROEXPO 2015

 19-21 ნოემბერს საგამოფენო ცენტრ „ექსპო ჯორჯია“-ს ორგანიზებით და საქართველოს სოფლის მეურნეობის სამინისტროს მხარდაჭერით, ყველაზე მასშტაბური, სოფლის მეურნეობის, კვების მრეწველობის, გადამამუშავებელი და შესაფუთი ტექნოლოგიების მე-15 საერთაშორისო გამოფენა მიმდინარეობს, რომელიც სოფლის მეურნეობის მინისტრმა ოთარ დანელიამ გახსნა.

საერთაშორისო გამოფენაზე, სოფლის მეურნეობის სამინისტროს სისტემაში შემავალი ყველა უწყება ღებულობს მონაწილეობას, რომელთა შორისაც არის სსიპ სოფლის მეურნეობის-სამეცნიერო-კვლევითი ცენტრი. გამოფენის ფარგლებში, იგი წარმოადგენს საკუთარ სტენდს, სადაც დაინტერესებულ პირებს საშუალება აქვთ გაეცნონ სამეცნიერო-კვლევითი ცენტრის საქმიანობას და მიმდინარე აქტივობებს, მიიღონ ინფორმაცია და კონსულტაცია, მათთვის საინტერესო საკითხებზე. გარდა ამისა, დამთვალიერებელს საშუალება აქვს ადგილზე გაეცნოს ღვინის საკოლექციო ნიმუშებს, დააგემოვნოს ხილი და უახლესი ტექნოლოგიით დამზადებული ეკოლოგიურად სუფთა პროდუქტები: ნექტარი, წვენი, დეალკოჰოლიზებული ღვინის სასმელები, მურაბა, კომპოტი, ლიმონათი და გაყინული /მშრალი ხილი.
აღნიშნულ გამოფენაზე, წარმოდგენილია 90-მდე სხვადასხვა პროდუქციის და სერვისის მწარმოებელი კომპანია ისეთი ქვეყნებიდან, როგორებიცაა: საქართველო, გერმანია, ესპანეთი, საფრანგეთი, იტალია, თურქეთი, ისრაელი, ლიტვა, ლატვია, უკრაინა, პოლონეთი, რუსეთი და   ჩინეთი. ასევე, გამოფენას სტუმრობს 2 000-ზე მეტი დაინტერესებული ფერმერი.