facebook
youtube
mail

სიახლეები

27.11.2015

სოფლის მეურნეობის სამეცნიერო-კვლევითი ცენტრი სვიის ჯიშების გამოცდას იწყებს

  სოფლის მეურნეობის სამეცნიერო-კვლევით ცენტრში გერმანული საინვესტიციო კომპანია „WESTWOODS”-ის ხელმძღვანელი ედგარ აუერი და პროფესორი კარლ შკოდა სამუშაო ვიზიტით იმყოფებოდნენ. ვიზიტის მთავარ მიზანს საგაზაფხულო ქერისა და სვიის ახალი ჯიშების საქართველოს პირობებში გამოცდა-ინტროდუცია წარმოადგენს.
  სოფლის მეურნეობის სამეცნიერო-კვლევით ცენტრის დირექტორმა ლევან უჯმაჯურიძემ და „შპს მარცვლეულის ლოჯისტიკის კომპანია“-ს (კომპანია მმართველობის უფლებით გადაეცა სამეცნიერო-კვლევით ცენტრს) დირექტორმა გიორგი ღუღუნიშვილმა სტუმრებს გააცნეს საქმიანობის ძირითადი მიმართულებები და სამომავლო გეგმები.
  ვიზიტის ფარგლებში სტუმრებმა ქართველ კოლეგებთან ერთად მოინახულეს სოფლის მეურნეობის სამეცნიერო-კვლევითი ცენტრის ბაზები ქართლში (ხაშური), სამცხე-ჯავახეთში (ადიგენი, ახალქალაქი), იმერეთში (დიდი ჯიხაიში), სამეგრელოში (აბაშა) და „შპს მარცვლეულის ლოჯისტიკის კომპანიის“ მარცვლეულის საშრობი ქარხანა აბაშაში.
გაეცნენ აღნიშნული რეგიონების ნიადაგურ და კლიმატურ პირობებს, გამოთქვეს მოსაზრებები საგაზაფხულო ქერისა და სვიის სხვადასხვა ჯიშების შერჩევასა და საქართველოში გამოცდასთან დაკავშირებით. დაისახა მომავალი ურთიერთთანამშრომლობის გეგმები.
უცხოელი კოლეგები სამეცნიერო-კვლევით ცენტრს საქმიანი ვიზიტით მიმდინარე წლის დეკემბრის თვეში კვლავ ეწვევიან.