კომპანია DeRaza Iberico ერთ-ერთი უმსხვილესი ღორის ხორცის მწარმოებელი კომპანიაა არა მარტო ესპანეთში, არამედ მთელს ევროპაში. მასპინძლებმა ქართველ სტუმრებს დაათვალიერებინეს ესპანური ღორის ჯიში „იბერიკო“-ს კომპლექსი 1100 დედა ღორზე, ასევე მუხის ჯიშების ბუნებრივი კორომების ტყეში ღია ცის ქვეშ რამოდენიმე ასეულ ჰექტარზე განთავსებული ღორების ფერმა, ულტრათანამედროვე ტექნოლოგიური ხაზებით აღჭურვილი ცხოველთა სასაკლაო, ხორცის დამფასოებელი, შესანახი და გადამამუშავებელი საამქროები, გააცნეს „ხამონის“ ტიპის პროდუქციის დამზადების ტექნოლოგიები და სხვა. კომპანიის დამფუძნებლებთან პრეზიდენტ რეხინო დიასთან და ლუის სანცთან ერთად დაისახა სამომავლო ურთიერთთანამშრომლობის გეგმები, რომელიც ითვალისწინებს აღმოსავლეთ საქართველოში კოოპერატიულ საწყისებზე ღორის სანაშენე ფერმების მოწყობას ტყის ბუნებრივი რესურსების გამოყენების ბაზაზე.

  მასპინძლების ხელშეწყობით სამეცნიერო-კვლევითი ცენტრის თანამშრომლებმა ასევე დაათვალიერეს ვაზისა და ღვინის ვივანკოს მუზეუმი ქალაქ რიოხაში. 

    ესპანელი კოლეგების საპასუხო ვიზიტი სოფლის მეურნეობის სამეცნიერო-კვლევით ცენტრში 2016 წლის 3 იანვრიდან იგეგმება.