შეხვედრას ესწრებოდნენ სოფლის მეურნეობის სამეცნიერი-კვლევითი ცენტრის დირექტორი, ლევან უჯმაჯურიძე და სასოფლო-სამეურნეო კოოპერატივების განვითარების სააგენტოს უფროსი გიორგი მიშელაძე.

 შეხვედრაზე მხარეებმა ხაზგასმით აღნიშნეს, რომ მეღორეობის დარგის განვითრება ერთ-ერთი პრიორიტეტული მიმართულებაა საქართველოში და ამ დარგს განვითრების დიდი პერსპექტივა აქვს. განსაკუთრებით აღსანიშნავია კახური ღორის ჯიში რომელიც გამოირჩევა მაღალი გემოვნური და პროდუქტიული ნიშან თვისებებით.

 ,,Dereza Iberico’’ ესპანური კომპანიაა რომელსაც დიდი გამოცდილება აქვს მეღორეობის დარგში და მისი პროდუქცია ფართოდაა წარმოდგენილი ევროპის და სხვა ბაზრებზე. სტუმრებმა გამოთქვეს დაინტერესება ქართული ღორის მოშენებაზე და სამომავლოდ ღორის ხორცის როგორც ადგილობრივ ასევე უცხოური ბაზრების მომარაგებაზე. მათი აზრით, უნდა მოხდეს ღორის ბუნებრივ სივრცეში გაზრდა და ნაკლები დანახარჯებით ხარისხიანი ხორცპროდუქტების მიღება.

 თანამშრომლობის გაღრმავების მიზნით სოფლის მეურნეობის სამეცნიერო-კვლევით ცენტრსა და ,,Dereza Iberico’’-ს შორის გაფორმდა ურთიერთ თანამშრომლობის მემორანდუმი. შეთანხმების ფარგლებში ესპანური მხარე ხელს შეუწყობს ქართული ღორის სანაშენე მეურნეობის შექმნასა და მის განვითარებას.