აღსანიშნავია, რომ 21 მარტი ტყის საერთაშორისო დღედ გაეროს გენერალურმა ასამბლეამ აღიარა და ამ დღის აღნიშვნის მიზანია საზოგადოების ცნობიერების ამაღლება ტყის მნიშვნელობასა და მის როლზე ბუნებაში.

ჯიღაურას საცდელ-სადემონსტრაციო ბაზაზე, აღმოსავლეთ საქართველოს ტყის მცენარეების საკოლექციო ნარგაობის გაშენება 2015 წელს დაიწყო და 20 სხვადასხვა სახეობის მერქნიანი მცენარე გაშენდა. აღნიშნული პროცესი წელსაც გრძელდება. კოლექციაში 60-ზე მეტი სახეობის გაშენება იგეგმება, რომელიც განაწილებული იქნება ოთხი მიმართულებით: ტყის შემქმნელი ძირითადი სახეობები, წითელი ნუსხის სახეობები, ქარსაფარში გამოსაყენებელი და დეკორატიული სახეობები და ხეხილის ველური წინაპრები.