სადეგუსტაციოდ წარმოდგენილი ნიმუშები საგემოვნო და ვიზუალური მაჩვენებლების მიხედვით შეფასდა. საბოლოო შედეგების შეჯამებისას უპირატესობა რამდენიმე ჯიშს - ვაშლი (რენუარი და გაია), მსხალი (სანტა მარია), ქლიავი (ემპრესი, ბლუფრი) და ატამი (ო.ჰენრი) მიენიჭა.კომისიის წევრების განმარტებით, ინტროდუცირებული ჯიშები – გაია, რუბინოლა, ემპრესი, ბლუფრი, სანტამარია - ნაყოფების მაღალი ხარისხით და საგემოვნო თვისებებით გამოირჩევიან და კარგი პოტენციალი გააჩნიათ.
როგორც ზვიად ბობოქაშვილმა აღნიშნა, სსიპ სოფლის მეურნეობის სამეცნიერო-კვლევითი ცენტრის მრავალწლოვანი კულტურების კვლევისა და სარგავი მასალის წარმოების დეპარტამენტში საუკეთესო ფორმების შერჩევის და ფერმერებისთვის რეკომენდირების მიზნით, ხეხილის ახალი ინტროდუცირებული ჯიშების გამოცდა მიმდინარეობს. აღნიშნული დეპარტამენტი ხეხილის 60-ზე მეტ ჯიშს სწავლობს. ჯიღაურას საკოლექციო ბაღებში დეპარტამენტის მეცნიერ-თანამშრომლების მიერ საველე და ლაბორატორიული-კვლევითი სამუშაოები მიმდინარეობს.