სიახლეები
18.11.2016
ფერმერებისთვის ვაზის დაავადებათა წინააღმდეგ ბრძოლის მეთოდებზე სემინარი ჩატარდა
![](/modules/news/images/0/natua.png)
მიმდინარე წელს, ცენტრის სპეციალისტების მიერ, ამბროლაურის მუნიციპალიტეტის სოფლებში (სადმელი, ხიმში, ღვიარა, ჟოშხა, ძირაგეული, ბოსტანა, ბაჯი) ვენახების ფიტოსანიტარიული მდგომარეობის შესწავლა და ვირუსოლოგიის ლაბორატორიაში მავნებელ-დაავადებათა კვლევა განხორციელდა. გამართულ სემინარზე, სამეცნიერო-კვლევითი ცენტრის თანამშრომლებმა ფერმერებს აღნიშნული კვლევითი სამუშაოების შედეგები გააცნეს და ვაზის მოვლა-მოყვანის თანამედროვე მეთოდებზე, შესაძლო აგროტექნიკურ პრობლემებზე, ვაზის სოკოვან და ვირუსულ დაავადებებსა და მავნებელ-დაავადებათა წინააღმდეგ ბრძოლის მეთოდებზე სრულყოფილი ინფორმაცია მიაწოდეს.
სემინარს, ადგილობრივ ფერმერებთან ერთად, სოფლის მეურნეობის სამინისტროს ამბროლაურის, ცაგერისა და ზესტაფონის საინფორმაციო-საკონსულტაციო სამსახურების წარმომადგენლები ესწრებოდნენ.