სიახლეები

სტუდენტებისთვის მცენარეთა ბიოლოგიური დაცვის საკითხებზე საზაფხულო სკოლა მოეწყო

პროექტის „გარემოსათვის უსაფრთხო, ინოვაციური საშუალებებით ბიოთხილის წარმოების ხელშეწყობა“ ფარგლებში, აგრარული უნივერსიტეტის სტუდენტებისათვის საზაფხულო სკოლა მოეწყო. სოფლის მეურნეობის სამეცნიერო-კვლევითი ცენტრის თანამშრომლებმა მცენარეთა ბიოლოგიური დაცვის, ბიომეურნეობების მოწყობის, ბიოპროდუქციის წარმოების საკითხებსა და თხილის ძირითადი მავნებელ-დაავადებების შესახებ ლექციები ჩაატარეს. სტუდენტებმა ლაბორატორიული სწავლებაც გაიარეს და გაეცნენ პათოგენების (მწერებისა და მცენარეების) კვლევის ძირითად მეთოდებს.

საზაფხულო სკოლის ფარგლებში, სტუდენტები მცენარეთა ბიოლოგიური დაცვის ცენტრს “ბიოაგრო“, ასევე სოფლის მეურნეობის სამეცნიერო-კვლევითი ცენტრის ჯიღაურას და წილკნის ბაზებს ესტუმრნენ, ნაკვეთები დაათვალიერეს და ბიომეურნეობის სპეციფიკის საკითხებს პრაქტიკულად გაეცნენ. საზაფხულო სკოლის დასასრულს, სტუდენტებმა პრეზენტაციები წარადგინეს, მათ პროექტის ფარგლებში დაბეჭდილი თხილის მავნებელ-დაავადებების შესახებ ბროშურები დაურიგდათ და სერთიფიკატები გადაეცათ.

პროექტი „გარემოსათვის უსაფრთხო, ინოვაციური საშუალებებით ბიოთხილის წარმოების ხელშეწყობა“ შოთა რუსთაველის ეროვნული სამეცნიერო ფონდის მიერ არის დაფინანსებული.