სიახლეები

ჯიღაურას ბაზას 55-ე სკოლის მოსწავლეები ესტუმრნენ

სოფლის მეურნეობის სამეცნიერო-კვლევითი ცენტრის ჯიღაურას მრავალწლოვანი კულტურების საცდელ-სადემონსტრაციო ბაზას 55-ე სკოლის მოსწავლეები ესტუმრნენ, ბაზაზე გაშენებული ვაზის ქართული და უცხოური ჯიშების კოლექცია დაათვალიერეს და ცენტრის მუშაობას გაეცნენ. ახალგაზრდებს სამეცნიერო-კვლევითი ცენტრის დირექტორმა, ლევან უჯმაჯურიძემ ჯიღაურას კოლექციის გაშენების ისტორიასთან ერთად, ვაზის ჯიშებზე და მათ მოვლა-მოყვანაზე მიაწოდა ინფორმაცია.

სოფლის მეურნეობაში ახალგაზრდა კადრების მოძიების და ჩართვის მიზნით, ცენტრის ბაზებზე რეგულარულად ტარდება სტუდენტებთან, სკოლის მოსწავლეებთან და სხვა დაინტერსებულ პირებთან შეხვედრები.

აღსანიშნავია, რომ ჯიღაურას საკოლექციო ნარგაობაში დაცულია ვაზის 450-მდე ქართული და 350 უცხოური ჯიში, მათ შორის ქართული ვაზის უნიკალური და იშვიათი ჯიშების კოლექცია, რომლის მოძიება და აღდგენა ხანგრძლივი დროის განმავლობაში მიმდინარეობდა.