სიახლეები

ედმუნდ მაქის ფონდის დირექტორი სოფლის მეურნეობის სამეცნიერო-კვლევითი ცენტრს ესტუმრა

სოფლის მეურნეობის სამეცნიერო-კვლევითი ცენტრს ედმუნდ მაქის ფონდის დირექტორი მარიო დელ გროსო დესტრერი და ფონდის წარმომადგენლები ესტუმრნენ. მათ ცენტრის წილკნის ერთწლოვანი კულტურების და ჯიღაურას მრავალწლოვანი კულტურების საცდელ-სადემონსტრაციო ბაზები დაათვალიერეს და ცენტრის დირექტორს, ლევან უჯმაჯურიძეს შეხვდნენ. მხარეებმა იტალიასა და საქართველოს შორის სოფლის მეურნეობაში სხვადასხვა მიმართულებით თანამშრომლობის გაძლიერებაზე და ახალგაზრდა კადრების გადამზადებაში ხელშეწყობაზე ისაუბრეს.

იტალიელმა სტუმრებმა ცენტრის ლაბორატორიული ბაზები, მცენარეთა მიკროკლონური გამრავლებისა და უვირუსო სარგავი მასალის, მოლეკულური მარკირების, ნიადაგის კვლევის და ვირუსოლოგიის ლაბორატორიებიც დაათვალიერეს და მათ მუშაობას გაეცნენ.

ედმუნდ მაქის ფონდი იტალიაში სოფლის მეურნეობის დარგში მომუშავე უწყებაა, რომელიც აგრარულ სფეროში განათლებას, ტრენინგებს და კონსულტაციებს უზრუნველყოფოს. ფონდის მიზანი სოფლის მეურნეობის სექტორში კულტურული და სოციალურ-ეკონომიკური ზრდის ხელშეწყობაა.