სიახლეები

ბიო მეურნეობის განვითარების მიზნით 30-მდე ბიო პრეპარატის გამოცდა მიმდინარეობს

სოფლის მეურნეობის სამეცნიერო-კვლევითი ცენტრის ბიოაგროწარმოების სამსახურის მიერ 30-მდე ბიო პრეპარატზე გამოცდა მიმდინარეობს. სპეციალისტების მიერ პომიდორში, ბულგარულ წიწაკასა და ბროკოლში უცხოურ ბიო პრეპარატებთან ერთად საქართველოში წარმოებული პრეპარატებიც იცდება. ნაკვეთში თითო პრეპარატის გამოცდა მინიმუმ 3 წელიწადი მიმდინარეობს, რის შემდეგაც გაიცემა რეკომენდაცია. მთლიანობაში სამსახურის მიერ უკვე 50-მდე ბიოპრეპარატის გამოცდა მოხდა.

ბიოაგროწარმოების სამსახური აქტიურად ატარებს ცდებს შერეულ ნათესებში ალელოპათიის შესწავლის მიზნით. პესტიციდების ნაცვლად ძირითადი კულტურის ირგვლივ არომატული და პესტიციდური აქტივობის მქონე მცენარეების შემოთესვა მიმდინარეობს, რომლებიც დაავადებებისა და მავნებლებისგან იცავს. მცენარეების სწორედ შერჩევის შემთხვევაში ისინი საგემოვნო თვისებებსაც აუმჯობესებენ.