სიახლეები

პროექტი „გარემოსათვის უსაფრთხო, ინოვაციური საშუალებებით ბიოთხილის წარმოების ხეშეწყობა“ დასრულა

სოფლის მეურნეობის სამეცნიერო-კვლევითი ცენტრის მიერ განხორციელებული საგრანტო პროექტი „გარემოსათვის უსაფრთხო, ინოვაციური საშუალებებით ბიოთხილის წარმოების ხეშეწყობა“ დასრულდა, რომლის ფარგლებში თხილის დომინანტური მავნებლები და დაავადებები გამოვლინდა, მათ შორის შესწავლილ იქნა თხილის 18 პათოგენური მიკროორგანიზმი. პროექტის მონაწილეებმა თხილის სიდამპლისა და მოსავლიანობის შემცირებაში აზიური ფაროსანას როლი დაადგინეს, ასევე მავნე მწერების ბიოლოგიური აგენტები შეისწავლეს.

პროექტის ფარგლებში, სტუდენტებისთვის, მცენარეთა ბიოლოგიური დაცვის საკითხებზე, უცხოელი კოლაბორატორის მონაწილეობით, საზაფხული სკოლა ჩატარდა. გამოიცა ბროშურა „თხილის მავნებელ-დაავადებები და მათი მართვა ბიომეურნეობაში“, სამეცნიერო სტატია და საკონფერენციო თეზისები, ასევე შეიქმნა 3 წლის აგროკლიმატური მონაცემების ბაზა.

პროექტი „გარემოსათვის უსაფრთხო, ინოვაციური საშუალებებით ბიოთხილის წარმოების ხეშეწყობა“ შოთა რუსთაველის საქართველოს ეროვნული სამეცნიერო ფონდის მიერ დაფინანსებული, ფუნდამენტურ კვლევებში სახელმწიფო სამეცნიერო გრანტების, 2017 წლის, კონკურსის გამარჯვებულია, რომელსაც ცენტრის მცენარეთა ინტეგრირებული დაცვის კვლევის დეპარტამენტის წარმომადგენელი, მანანა კერესელიძე ხელმძღვანელობდა.