სიახლეები

მონპელიეს უნივერსიტეტის წარმომადგენლები ჯიღაურას საცდელ-სადემონსტრაციო ბაზას ესტუმრნენ

სოფლის მეურნეობის სამეცნიერო-კვლევითი ცენტრის ჯიღაურას მრავალწლოვანი კულტურების საცდელ-სადემონსტრაციო ბაზას საფრანგეთის მონპელიეს უნივერსიტეტის წარმომადგენლები და მაგისტრები ესტუმრნენ. სტუმრებმა ჯიღაურას ვაზის კოლექცია დაათვალიერეს, საქართველოს მევენახეობა-მეღვინეობას გაეცნენ და ქართული იშვიათი ვაზის ჯიშებისგან დაყენებული ღვინოები დააგემოვნეს.

აღსანიაშნავია, რომ ჯიღაურას ბაზა 80 ჰა ფართობზეა განთავსებული. საკოლექციო ნარგაობაში ვაზის ქართული 470-მდე და უცხოური 350 ჯიშია დაცული, მათ შორის ქართული ვაზის უნიკალური და იშვიათი ჯიშების კოლექცია, რომლის მოძიება და აღდგენა ხანგრძლივი დროის განმავლობაში მიმდინარეობდა. ვაზის ჯიშების აღდგენის პარალელურად, ცენტრი იშვიათი ვაზის ჯიშებისგან ღვინოებს აყენებს და შემდგომში მათზე კვლევებს ახორციელებს.