სიახლეები

წილკნის ბაზას აგრარული პროფილის მომავალი პედაგოგები ესტუმრნენ

სოფლის მეურნეობის სამეცნიერო-კვლევითი ცენტრის წილკნის ერთწლოვანი კულტურების საცდელ-სადემონსტრაციო ბაზას, აჭარიდან, აგრარული პროფილის მომავალი პედაგოგები ესტუმრნენ. ისინი ინ ვიტრო, ნიდაგის კვლევის, თესლის ხარისხის ლაბორატორიების მუშაობას გაეცნენ და ერთწლოვანი კულტურების საცდელი ნაკვეთები დაათვალიერეს.

ახალგაზრდა აგრონომები წილკნის ბაზას განათლების ხარისხის განვითარების ეროვნული ცენტრის ორგანიზებით, გაეროს განვითარების პროგრამის (UNDP) ფარგლებში ესტუმრნენ, რომელიც აგრარული პროფილის პედაგოგების პრაქტიკული კუთხით გადამზადებას გულისხმობს.

სოფლის მეურნეობის სამეცნიერო-კვლევითი ცენტრი აქტიურად არის ჩართული ახალგაზრდა კადრების მოზიდვაში, მომზადებასა და მათ აგრარულ სფეროში ჩართვაში.