სიახლეები

საქართველო ლატვიასთან სურსათის უვნებლობის საკითხში სამეცნიერო თანამშრომლობას აღრმავებს

სოფლის მეურნეობის სამეცნიერო-კვლევითმა ცენტრმა გ. ნათაძის სახელობის სანიტარიის, ჰიგიენის და სამედიცინო ეკოლოგიის სამეცნიერო-კვლევით ინსტიტუტთან ერთად ლატვიის სურსათის უვნებლობის, ცხოველის სიჯანსაღისა და გარემოს ინსტიტუტთან (BIOR) ურთიერთთანამშრომლობის მემორანდუმი გააფორმა, რომელიც საქართველოში და ლატვიაში სურსათის უვნებლობის, ცხოველის სიჯანსაღისა და კეთილდღეობის და გარემოს უვნებლობის სფეროში სამეცნიერო თანამშრომლობას გულისხმობს.

სამმხრივი თანამშროლობის ფარგლებში გათვალისწინებულია გამოცდილების და საექსპერტო აზრის გაცვლა, გლობალური შეთანხმების „ერთიანი ჯანმრთელობა“ წახალისება და საერთო კვლევების დაგეგმვა.

აღსანიშნავია, რომ სოფლის მეურნეობის სამეცნიერო-კვლევითი ცენტრი რისკის შეფასების სფეროში ინსტიტუციური გაძლიერების და შესაძლებლობების გაზრდის მიზნით, ეროვნულ თუ საერთაშორისო დონეზე უამრავ ორგანიზაციასთან თანამშრომლობს და საერთო კვლევებსა და პროექტებს ახორციელებს.