სიახლეები

ფრანგი მეღვინეები და მონპელის უნივერსიტეტის წარმომადგენლები ჯიღაურას საკვლევ ბაზას ესტუმრნენ

სოფლის მეურნეობის სამეცნიერო-კვლევითი ცენტრის ჯიღაურას მრავალწლოვანი კულტურების საცდელ-სადემონტრაციო ბაზას მონპელიეს უნივერსიტეტის წარმომადგენლები და ფრანგი მეღვინეები ესტუმრნენ. მათ ქართული ვაზის კოლექცია დაათვალიერეს, საქართველოში მეღვინეობის პერსპექტივებს და იშვიათი ქართული ვაზისგან დაყენებულ ღვინოებს გაეცნენ.

ფრანგი სტუმრები საქართველოში საქართველოს ტექნიკური უნივერსიტეტის პროგრამის ფარგლებში იმყოფებიან და ახალგაზრდა მეღვინეებს ლექციებს წაუკითხავენ. მევენახეობა-მეღვინეობის ფაკულტეტი აქტიურად თანამშრომლობს მონპელიეს უნივერსიტეტთან და სტუდენტების გაცვლით პროგრამებს ახორციელებს.

აღსანიშნავია, რომ ჯიღაურას საკოლექციო ნარგაობაში ვაზის ქართული 470-მდე და უცხოური 350 ჯიშია დაცული, მათ შორის ქართული ვაზის უნიკალური და იშვიათი ჯიშების კოლექცია.