facebook
youtube
mail

სიახლეები

09.11.2021

მცირე ფერმერები ჯიღაურას და წილკნის ბაზების საქმიანობას გაეცნენ

სოფლის მეურნეობის სამეცნიერო-კვლევითი ცენტრის ჯიღაურას მრავალწლოვანი კულტურების და წილკნის ერთწლოვანი კულტურების საცდელ-სადემონსტრაციო ბაზებს, საქართველოს ფერმერთა ასოციაციის პროექტის „ფერმერული მეურნეობების მხარდამჭერი ინიციატივა“ ფარგლებში, სხვადასხვა რეგიონის მცირე ფერმერული მეურნეობების წარმომადგენლები ესტუმრნენ. ფერმერებმა ხეხილის და ვაზის კოლექციები, ბაზებზე არსებული ლაბორატორიები დაათვალიერეს და ცენტრის საქმიანობას გაეცნენ.

ფერმერული მეურნეობების მხარდამჭერი ინიციატივა (FSI) ავსტრიის განვითარების თანამშრომლობის მიერ დაფინანსებული პროექტია, რომლის მიზანია სოფლის მეურნეობაში ჩართული მცირე მეწარმეების კონკურენტუნარიანობისა და შემოსავლების ზრდით სოფლად სიღარიბის შემცირება. პროექტის შედეგად შერჩეულ რეგიონებში მცირე ფერმერები გაიუმჯობესებენ ბაზარზე პოზიციას და მათი შემოსავალი გაიზრდება.