სიახლეები

სოფლის მეურნეობის სამეცნიერო-კვლევით ცენტრს, JICA-ს გრანტის ფარგლებში, საშრობი კამერა გადაეცა

სოფლის მეურნეობის სამეცნიერო-კვლევითმა ცენტრმა, იაპონიის საერთაშორისო თანამშრომლობის სააგენტოს (JICA) საქართველოს ოფისის მიერ გამოცხადებულ 2021 წლის მინი საგრანტო პროექტში, გრანტი მოიპოვა. გრანტის ფარგლებში სტანდარტების, სერტიფიცირების, დაგეგმვისა და ეკონომიკური ანალიზის სამსახურს საშრობი კამერა (ინკუბატორი) გადაეცა, რომელიც სათესლე მასალის 10-50 C შრობას და ამავდროულად 10-20%-მდე ტენიანობის შენარჩუნებას უზრუნველყოფს. საშრობი კამერა მცენარეთა გენეტიკური რესურსების მინდვრის კულტურების გენბანკის ინფრასტუქტურის გაძლიერებას მოხმარდება.

JICA-ს საქართველოსთან 2015 წლიდან, ძირითადად სოფლის მეურნეობის, ინფრასტრუქტურის გაუმჯობესების, ჯანდაცვის და სამედიცინო მომსახურების და რეგიონალური განვითარების მიმართულებებით თანამშრომლობს. ტექნიკური დახმარების სქემის ფარგლებში JICA ქართველი სპეციალისტებისთვის ტრენინგ პროგრამებს აწყობს, ცენტრის სერტიფიცირების სამსახურის უფროსმა 1 თვიანი გადამზადება, სურსათისა და სოფლის მეურნეობის წარმოებისთვის PGR რესურსების კონსერვაციის და მდგრადი გამოყენების მიმართულებით იაპონიაში გაიარა.