სიახლეები

სოფლის მეურნეობის სამეცნიერო-კვლევითი ცენტრის მუხურის მეფუტკრეობის ბაზაზე აგრო-სასურსათო პროდუქციის გამოფენა-გაყიდვა გაიმართ

სოფლის მეურნეობის სამეცნიერო-კვლევითი ცენტრის მუხურის მეფუტკრეობის ბაზაზე თაფლისა და აგრო-სასურსათო პროდუქციის გამოფენა-გაყიდვა გაიმართა, სადაც ადგილობრივმა მეფუტკრე-ფერმერებმა და მოწვეულმა სტუმრებმა მიიღეს მონაწილეობა. სოფლის მეურნეობის სამეცნიერო-კვლევითმა ცენტრმა, ფესტივალის სტუმრებს, ხეხილის და ვაზის ადგილობრივი ჯიშები და მუხურის ბაზის თაფლი გააცნო. ფესტივალის ფარგლებში, მუხურის მეფუტკრეობის ბაზის თანამშრომლებს, მეფუკტრეობაში გაწეული ღვაწლისთვის, ჩხოროწყუს მუნიციპალიტეტის მერიამ მადლობის სერტიფიკატი გადასცა.

მუხურის მეფუკტრეობის ბაზაზე თაფლისა და სოფლის მეურნეობის პროდუქტების გამოფენა-გაყიდვა ჩხოროწყუს მუნიციპალიტეტის მერიის ორგანიზებით გამართა.

მუხურის მეფუტკრეობის ბაზა 2017 წლიდან ფუნქციონირებს. ბაზაზე, ენდემური პოპულაციების შენარჩუნება და გავრცელების სამუშაოების გარდა, მეგრული პოპულაციის ნარევი ფუტკრისგან გაწმენდა მიმდინარეობს. ახალგაზრდა კადრების მოზიდვის, მომზადების და აგრარულ სფეროში ჩართვის მიზნით კი, რეგულარულად, უფასო სემინარები და ტრენინგები ტარდება.