სიახლეები

სამეცნიერო თანამშრომლობის გაძლიერების მიზნით, სოფლის მეურნეობის სამეცნიერო-კვლევით ცენტრსა და წმიდა ანდრიას ქართულ უნივერსიტეტს შორის, მემორანდუმი გაფორმდა

სოფლის მეურნეობის სამეცნიერო-კვლევითმა ცენტმა, საქართველოს საპატრიარქოს წმიდა ანდრია პირველწოდებულის სახელობის ქართულ უნივერსიტეტთან, ურთიერთთანამშრომლობის მემორანდუმი გააფორმა, რომელიც სამეცნიერო კვლევების მიმართულებებით თანამშრომლობის გაღრმავებას ითვალისწინებს. მემორანდუმი, ერთობლივი კონფერენციების, სემინარების და ტრენინგების მოწყობას, სტუდენტების სტაჟირებას და მათ სადემონსტრაციო დღეებში ჩართვას, ასევე, ინფორმაციისა და პუბლიკაციების გაზიარებას მოიცავს.

ურთიერთთანამშრომლობის მემორანდუმს ხელი, სოფლის მეურნეობის სამეცნიერო-კვლევითი ცენტრის დირექტორმა, ლევან უჯმაჯურიძემ და უნივერსიტეტის რექტორმა, ირაკლი ბრაჭულმა მოაწერეს.

წმიდა ანდრიას ქართული უნივერსიტეტი ჰუმანიტარულ და სოციალური მეცნიერებათა, ბიზნესის და სამართლის მიმართულების სტუდენტებს ამზადებს. უნივერსიტეტის მიზანი სამეცნიერო კვლევებისა და ინოვაციების განვითარება და ახალი სამეცნიერო პერსონალის მომზადებაა.