სიახლეები

საფრანგეთის დელეგაციის ვიზიტი სამეცნიერო-კვლევითი ცენტრის ჯიღაურას ბაზაზე

სსიპ სოფლის მეურნეობის სამეცნიერო-კვლევითი ცენტრის მრავალწლოვანი კულტურების საცდელ-სადემონსტრაციო ბაზას ბოლეროს ჯგუფის დამფუძნებელი ვახტან კარიჭაშვილი და გენერალური დირექტორი ირაკლი ბექაური საფრანგეთის კონიაკის დეპარტამენტის მეღვინე ექსპერტებთან ერთად ესტუმრნენ. საფრანგეთის დელეგაციის ვიზიტი ბოლერო ჯგუფის ორგანიზებით განხორციელდა და მიზნად საქართველოს მევენახეობა-მეღვინეობის გაცნობას და სამომავლო თანამშრომლობას ისახავს.

დავით ჩიჩუამ, მევენახეობა-მეღვინეობის კვლევის სამსახურის უფროსმა, სტუმრებს ჯიღაურას ამპელოგრაფიული კოლექცია დაათვალიერებინა, ცენტრში სელექციის მიმართულებით მიმდინარე კვლევითი საქმიანობები და იშვიათი ქართული ვაზის ჯიშებისგან დაყენებული ღვინოები გააცნო.

გამართულ შეხვედრაზე, მხარეებმა მევენახეობა-მეღვინეობის მიმართულებით სამომავლო ურთიერთობებისა და ერთობლივი პროექტების შემუშავების საკითხები განიხილეს.