სიახლეები

კლიმატის ცვლილებებით გამოწვეული საფრთხეების აგროეკონომიკური გავლენის შეფასების მიზნით სამუშაო შეხვედრა გაიმართა

სსიპ სოფლის მეურნეობის სამეცნიერო-კვლევით ცენტრში, გაეროს განვითარების სააგენტოს (UNDP) პროექტის „კლიმატის ცვლილების საადაპტაციო და შემარბილებელი ღონისძიებების ეკონომიკური შეფასება აგროსექტორზე“ ფარგლებში, ინგლისელ ექსპერტთან, პროფესორ ჯო მორისთან შეხვედრა გაიმართა.

შეხვედრაზე განისაზღვრა პროექტის ფარგლებში შესასრულებელი კვლევითი სამუშაოების ფორმატი და შემუშავდა კონკრეტული სამოქმედო გეგმა. საუბარი შეეხო მეთოდოლოგიური საკითხების შემუშავების, პრიორიტეტული სასოფლო-სამეურნეო კულტურების გამოკვეთის და შემარბილებელი ღონისძიებების ზოგადი ჩარჩოს განხილვის მნიშვნელობას.

სამუშაო ჯგუფის შეხვედრას სოფლის მეურნეობის სამეცნიერო-კვლევითი ცენტრის პროფილური მიმართულების სამსახურების თანამშრომლები, პროექტის ადგილობრივი და მოწვეული ექსპერტები ესწრებოდნენ. შეხვედრის დასასრულს მონაწილეებს შესაძლებლობა მიეცათ, უცხოელი ექსპერტისგან ამომწურავი ინფორმაცია მიეღოთ მათთვის საინტერესო საკითხებზე.