.png)
სიახლეები
29.11.2016
“ლაზური შემოდგომა” თბილისში
სსიპ სოფლის მეურნეობის სამეცნიერო-კვლევითი ცენტრის დირექტორმა ლევან უჯმაჯურიძემ, თბილისში სტუმრად ჩამოსულ ლაზებთან ერთად ლისის ტბაზე მშენებარე საპატრიარქოს საეკლესიო ღვინის მარანში, დაწურა ლაზეთის რეგიონისათვის დამახასიათებელი, აბორიგენული ჯიშის ყურძენი– ჩხავერი.
ამავე დღეს მერიის გამწვანების სამსახურთან ერთად აქ დაირგო 150-მდე სხვადასხვა ჯიშის ხის ნერგი, ხოლო სოფლის მეურნეობის სამეცნიერო-კვლევითმა ცენტრმა გააშენა ჯიღაურას ექსპერიმენტალურ ბაზაზე გამოყვანილი წითელი ადგილობრივი საღვინე ვაზის ჯიშები, რაც განხორციელდა საქართველოს საპატრიარქოსა და ცენტრს შორის გაფორმებული ურთიერთთანამშრომლობის მემორანდუმის საფუძველზე (მემორანდუმი ითვალისწინებს საქართველოში მევენახეობა-მეღვინეობის არატრადიციულ ზონებში ადგილობრივი აბორიგებული ვაზის ჯიშების აღორძინებას, როგორც საეკლესიო სივრცეში, ისე მოსახლეობაშიც).
ამავე დღეს საპატრიარქოს მევენახეობა-მეღვინეობის სამეცნიერო ცენტრის ხელმძღვანელმა სოფლის მეურნეობის სამეცნიერო-კვლევით ცენტრთან ერთად მევენახეობა-მეღვინეობის მიმართულებით ერთობლივი სამომავლო გეგმებრი შეიმუშავა.
