სიახლეები

ბულგარეთის სურსათის უვნებლობის სააგენტროს წარმომადგენლები სამუშაო ვიზიტით სოფლის მეურნეობის სამეცნიერო-კვლევით ცენტრში იმყოფებიან

ბულგარეთის სოფლის მეურნეობის და სურსათის სამინისტროს სურსათის უვნებლობის სააგენტოს (BFSA) წარმომადგენლები სამუშაო ვიზიტით სოფლის მეურნეობის სამინისტროს სამეცნიერო-კვლევით ცენტრს ესტუმრნენ და სამეცნიერო-კვლევითი ცენტრის დირექტორის მოადგილეს, ნოდარ ხატიაშვილს და რისკის შეფასების სამსახურის თანამშრომლებს შეხვდენენ. შეხვედრაზე მხარეებმა სურსათის უვნებლობის სფეროში რისკის შეფასების შესაძლებლობის გაზრდის, ინსტიტუციური გაძლიერების და საერთაშორისო ნორმების გაზიარების აუცილებლობის საკითხები განიხილეს. ბულგარეთის სურსათის უვნებლობის სააგენტოს წარმომადგენლებმა პრეზენტაციები წარმოადგინეს და ყურადღება გაამახვილეს რამდენიმე მნიშვნელოვან საკითხზე, მათ შორის - სურსათის უვნებლობა და მცენარეთა დაცვა, ცხოველთა და მცენარეთა სიჯანსაღე. საუბარი შეეხო მერძეულ ნახირში გამოვლენილ დაავადებებს, კონკრეტულად ბრუცელოზსა და ტუბერკულიოზს და მათთან ბრძოლის მეთოდებს.

შეხვედრაზე რისკის შეფასების საერთაშორისო ნორმებზეც ისაუბრეს. როგორც ბულგარეთის სურსათის უვნებლობის სააგენტოს წარმომადგენლებმა აღნიშნეს, საერთაშორისო ნორმები უამრავ კვლევას ეფუძნება, ამიტომ მათი გაზიარება ყველა ქვეყნისთვის აუცილებელია.

ბულგარეთის სურსათის უვნებლობის სააგენტოს წარმომედგენლებმა საქართველოს სოფლის მეურნეობის სამეცნიერო-კვლევითი ცენტრის თანამშრომლებს საკვებ პროდუქტში პესტიციდების ნაშთების რისკის შეფასების მეთოდოლოგია გაუზიარეს და ამ მეთოდოლოგიის საქართველოში დანარეგვის აუცილებლობაზე გაამახვილეს ყურადღება. მხარეები შეთანხმდნენ, რომ ბულგარელი სპეციალისტები რისკის შეფასების სამსახურს დისტანციურად დაეხმარებიან ამ მეთოდოლოგიის დანერგვა-განხორციელებაში და თანამშრომლობას მომავალშიც აქტიურად გააგრძელებენ.