სიახლეები

ტყის საერთაშორისო დღის აღნიშვნას სამეცნიერო-კვლევითი ცენტრი შეუერთდა

სოფლის მეურნეობის სამინისტროს სამეცნიერო-კვლევითი ცენტრი ტყის საერთაშორისო დღის აღნიშვნას შეუერთდა, რომელიც გაეროს გენერალური ასამბლეის გადაწყვეტილებით 1971 წლიდან აღინიშნება. ღონისძიების მიზანი ტყის მნიშვნელობაზე საზოგადოების ცნობიერების დონის ამაღლება და გამეჩხრებული ტყის ტერიტორიის აღდგენისათვის აქტივობების გაზრდაა.

მრავალწლოვანი კულტურების კვლევისა და სარგავი მასალების წარმოების დეპარტამენტის თანამშრომლებმა ჯიღაურას ექსპერიმენტულ ბაზაზე სატყეო კულტურების კოლექციას ვერხვის ახალი სახეობები შემატეს. ჯიღაურას საცდელ ბაზაზე გაშენდა, როგორც ადგილობრივი ვერხვების სახეობები, ასევე დარგული იქნა იტალიური და თურქული კლონები.