facebook
youtube
mail

სიახლეები

21.05.2015

სემინარი: „ხილის წარმოების პროგრესული ტექნოლოგიები“

 სსიპ სოფლის მეურნეობის სამეცნიერო-კვლევითი ცენტრის ჯიღაურას ექსპერიმენტულ ბაზაზე გრძელდება ყოველთვიური სამეცნიერო-პრაქტიკული სემინარების ციკლი. დღეს ბაზაზე ჩატარდა სემინარი თემაზე "ხილის წარმოების პროგრესული ტექნოლოგიები". სემინარი მოიცავდა ხეხილის ინტენსიური ტიპის ბაღების გაშენებისა და მოვლა-მოყვანის პრაქტიკული ხასიათის საკითხებს: ჯიშების თავისებურებები, სხვლა-ფორმირება, საძირეების შერჩევა, წვეთოვანი ირიგაცია, განოყიერება, ნიადაგის მოვლის სისტემები და სხვა. 

სემინარს ესწრებოდნენ საინფორმაციო-საკონსულტაციოსამსახურის სპეციალისტები და ხეხილის ბაღის გაშენებით დაინტერესებული ფერმერები სამცხე-ჯავახეთიდან, კერძოდ ახალციხის, ადიგენის, ასპინძის და ბორჯომის მუნიციპალიტეტებიდან. სემინარი ჩაატარეს დეპარტამენტის უფროსმა ზვიად ბობოქაშვილმა და მთავარმა სპეციალისტმა ელენე მაღლაკელიძემ. 

სემინარის მონაწილეებმა დაათვალიერეს ვაზისა და ხეხილის საკოლექციო ნარგაობები, სადემონსტრაციო ნაკვეთები და სანერგეები, სადაც ხორციელდება სამეცნიერო ექსპერიმენტები ახალი ჯიშების გამოცდის და გამრავლების ტექნოლოგიების სრულყოფის მიმართულებით.