სიახლეები

სოფლის მეურნეობის საინფორმაციო-საკონსულტაციო სამსახურის თანამშრომლები გადამზადებას გადიან

სოფლის მეურნეობის სამეცნიერო-კვლევითი ცენტრის წილკნის ბაზაზე ფერმერთა ასოციაციის კონსულტანტებს და სოფლის მეურნეობის სამინისტროს საინფორმაციო-საკონსულტაციო სამსახურის წარმომადგენლებს 2 დღიანი ტრენინგი ჩაუტარდათ.

მარცვლოვანი კულტურების კვლევის სამსახურის უფროსმა, ცოტნე სამადაშვილმა ტრენინგის მონაწილეებს წილკნის საკვლევ-სადემონსტრაციო ბაზა დაათვალიერებინა, მარცვლოვანი კულტურების დაავადებებსა და მავნებლებზე ინფორმაცია მიაწოდა და მათთან ერთად რამდენიმე ახალი პრეპარატი გამოსცადა.

გადამზადების პროგრამა აშშ-ს საერთაშორისო განვითარების სააგენტოს (USAID) საქართველოს სასოფლო–სამეურნეო წარმოების ეფექტიანობის აღდგენის (REAP) პროექტის ფარგლებში განხორციელდა.