სიახლეები

სოფლის მეურნეობის სამეცნიერო-კვლევითი ცენტრის მორიგი ექსპედიცია

 როგორც მოგეხსენებათ, სსიპ სოფლის მეურნეობის სამეცნიერო-კვლევითი ცენტრის ერთ-ერთ მიზანს წარმოადგენს ჩხოროწყუს მუნიციპალიტეტში ყოფილი მუხურის მეფუტკრეობის სახელმწიფო სანაშენე მეურნეობის აღდგენა, რომელიც ითვალისწინებს ქართული ფუტკრის მეგრული პოპულაციის გადარჩენას, უნიკალური სანაშენე მასალის წარმოებას და მისთვის როგორც ადგილობრივ, ისე მსოფლიო ბაზარზე კუთვნილი ადგილის დაბრუნებას. 

სწორედ, ამ მიზნით, სსიპ სოფლის მეურნეობის სამეცნიერო-კვლევითი ცენტრის მეცხოველეობის, ვეტერინარიისა და საკვებწარმოების კვლევის დეპარტამენტის მიერ მოეწყო ექსპედიცია ჩხოროწყუსა და წალენჯიხის მუნიციპალიტეტებში - რომლის მიზანსაც წარმოადგენდა: სასურველი საფუტკრეების მოძიება; საფუტკრეებში ფუტკრის ოჯახების მასიური აღწერა და შერჩევა შეფერილობის და ქცევის მიხედვით; საკვების რაოდენობის განსაზღვრა, დაავადებული ოჯახების გამოვლენა - გამორიცხვა; მუშა ფუტკრის ნიმუშების აღება თითოეული ოჯახიდან (არანაკლებ 30-50 მუშა ფუტკარი) შემდგომში ექსტერიერული მონაცემების (ხორთუმის სიგრძე, ფრთის სიგრძე-სიგანე, კუბიტალური ინდექსი) შესასწავლად ლაბორატორიულ პირობებში; 

ექსპედიციაში მეგრული პოპულაციის გავრცელების ტრადიციულ არეალში ჩხოროწყუსა და წალენჯიხის მუნიციპალიტეტებში საფუტკრეების მასობრივი შემოწმებისას მოძიებული იქნა 6 შედარებით სუფთად შემონახული კერძო საფუტკრე.

სულ - ორივე მუნიციპალიტეტში შემოწმდა 359 ფ/ოჯახი და გამოირჩა - 57 ფ/ოჯახი. აღნიშნული ნიმუშები შესაბამისი მეთოდიკის საფუძველზე მოთავსდა 70 % ეთილის სპირტში და ტრანსპორტირებულ იქნა თბილისში ლაბორატორიულ პირობებში ექსტერიერული კვლევისათვის, რის საფუძველზეც დადგინდება შეესაბამება თუ არა მოძიებული ფ/ოჯახები ქართული ფუტკრის მეგრული პოპულაციისათვის დამახასიათებელ ჯიშურ მაჩვენებლებს.