.png)
სიახლეები
03.07.2015
დაიწყო „ქართული მთის ძროხის“ სარძეო პროდუქტიულობის შესწავლა
სამეცნიერო კვლევითი ცენტრის მეცხოველეობის, ვეტერინარიის და საკვებწარმოების კვლევის
დეპარტამენტი უძველესი
ჯიშის „ქართული მთის ძროხის“ პოპულაციის აღდგენასა
და გაუმჯობესების პროექტზე მუშაობს. დეპარტამენტმა ექსპედიციური კვლევის პარალელურად,
ფერმერული მეურნეობის პირობებში ახორციელებს ქართული მთის ძროხის ზოოტექნიკურ შესწავლას. ამ მიზნით, თიანეთის რაიონში წინასწარ
შერჩეულ ფერმერთან გაფორმდა მემორანდუმი, ჩამოყალიბდა საცდელი ფურების ჯგუფი და დაიგეგმა
ჩასატარებელი ღონისძიებები.
საცდელი ფურების სარძეო პროდუქტიულობის შესწავლის მიზნით, დეპარტამენტის
სპეციალისტები იმყოფებოდნენ თიანეთში - არტოს
საზაფხულო საძოვრებზე, სადაც ჩატარდა ფურების საკონტროლო წველა, რძის ინდივიდუალურ ნიმუშებს
ჩაუტარდა მიკრობიოლოგიური და ქიმიური ანალიზი და განისაზღვრა მათი ქიმიური შემადგენლობები, (ცხიმი, ცილა, ლაქტოზა, მშრალი, მინერალური ნივთიერება და სხვა მაჩვენებლები).
აღნიშნული კვლევები განხორციელდება მთელი
ლაქტაციის პერიოდის მანძილზე დაახლობიეთ 7-8 თვის განმავლობაში, რის შედეგადაც დადგინდება
„ქართული მთის ძროხის“ სარძეო პროდუქტიულობის საშუალო მაჩვენებელი.
