სიახლეები

„იალონის“ ბენეფიციარები ჯიღაურას ბაზას ესტუმრნენ

საგურამოს შეზღუდული შესაძლებლობის მქონე ბავშვთა და პირთა დღის ცენტრის „იალონი“ ბენეფიციარები ჯიღაურას საკვლევ-სადემონსტრაციო ბაზას ესტუმრნენ. ცენტრის ბენეფიციარებმა ჯიღაურას ბაზაზე გაშენებული ვენახისა და ხეხილის საკოლექციო ნაკვეთები დაათვალიერეს და საქართველოს მეღვინეობა-მევენახეობის ისტორიას გაეცნენ.

„იალონის“ აღსაზრდელებმა რთველში მიიღეს მონაწილეობა და ჩურჩხელებიც ამოავლეს. ბენეფიციარების სტუმრობა „სოციალური რეაბილიტაციისა და ბავშვზე ზრუნვის 2017 წლის სახელმწიფო პროგრამის“ ფარგლებში განხორციელდა, რომლის მიზანიც ბავშვების კულტურულ და შემეცნებით ღონისძიებებში ჩართვაა, რაც მნიშვნელოვნად უწყობს ხელს მათ საზოგადოებაში ინტეგრაციას.