სიახლეები

სოფლის მეურნეობის სამეცნიერო-კვლევითი ცენტრი აღმოსავლეთ ევროპის უნივერსიტეტთან თანამშრომლობას აღრმავებს

სოფლის მეურნეობის სამინისტროს სამეცნიერო-კვლევით ცენტრსა და აღმოსავლეთ ევროპის უნივერსიტეტს შორის თანამშრომლობის მემორანდუმი გაფორმდა. მემორანდუმის ფარგლებში, უნივერსიტეტში აქსელერატორი, ე.წ „ჭკვიანი ლაბორატორია“ მოეწყობა, ასევე განხორციელდება ერთობლივი პროექტები სტუდენტების პროფესიული განვითარების ხელშეწყობისთვის. მემორანდუმი ხელს შეუწყობს აგრობიზნესის სისტემური მართვის მიმართულებით სამეცნიერო-კვლევითი საქმიანობის განვითარებას.

სოფლის მეურნეობის სამეცნიერო-კვლევითი ცენტრის დირექტორმა, ლევან უჯმაჯურიძემ და აღმოსავლეთ ევროპის უნივერსიტეტის რექტორმა, დავით ჩერქეზიშვილმა აგრარული მიმართულებით ორი უწყების თანამშრომლობის გაღრმავების მნიშვნელობაზე ისაუბრეს. როგორც მხარეებმა აღნიშნეს, სოფლის მეურნეობის სფეროში ახალგაზრდა კადრების მოზიდვა და მათი პროფესიონალებად გაზრდა აგრარული დარგის განვითარებისთვის აუცილებელი პირობაა.