სიახლეები
12.08.2015
მორიგი ექსპედიცია მაღალპროდუქტიული კულტურული ჯიშების გამოსაცდელად
![](/modules/news/images/0/rsz_dsc00444_2.png)
ახალ
გარემო პირობებში ინტროდუცირებულ ცხოველებზე მრავალი ფაქტორი ახდენს ზემოქმედებას.
გარემო ტემპერატურის მკვეთრი მომატების
ან შემცირების დროს ხდება ცხოველის ფიზიოლოგიური
მაჩვენებლების ცვლილებები, რომლებიც წარმოადგენენ ორგანიზმის ადაპტაციის
უნარის ერთ-ერთ მნიშვნელოვან მახასიათებელს.
სხვადასხვა ჯიშის საცდელი ცხოველების კლინიკურ სტატუსის და სისხლის
ზოგიერთი მორფოლოგიურ-ბიოქიმიური მაჩვენებლების შესწავლის მიზნით თელეთის ფერმაში ჩატარდა ექსპერიმენტი. კვლევა მიმდინარეობდა დღის 3 მონაკვეთში: თერმონეიტრალურ, ტემპერატურული
პიკის და ტემპერატურის ვარდნის საათებში. საცდელი ფურებიდან აღებულ სისხლში განისაზღვრა ჰემოგლობინი, ერითროციტები, ლეიკოციტები,
სისხლის შრატის საერთო ცილა; ალბუმინი, გლობულინი და გაანგარიშებული იქნა თერმული სიმყარის ინდექსი. პარალელურად ჩატარდა ცხოველების
მონაწველისა და რძის ქიმიური შედგენილობის
შესწავლა. კვლევამ გამოავლინა მაღალი ტემპერატურის
მიმართ ჯიშების ტოლერანტობის განსხვავებული უნარი.